Kuwait
كنت طفلة بأيام غزو الكويت ما اتجاوز الثلاث سنوات
لكن أذكر خوف الأهل والجيران
وأذكر جيرانا الكويتيين
وأذكر الكلام اللي كنت اللي كنت أسمعه
أيام غزو الكويت كنت كل ما أتخيل الكويت أتخيلها
الدمار شاملنها وما فيها بقعه سالمة، هالخيال ظل عندي لفترة رغم إنه عندنا معارف بالكويت
وقوم خالي ونحن صغار سايرين لها وكانوا يكلموني عن الكويت وأهلها لكن رغم هذا ظل التخيل وهم يرمسون ويقولون رحنا الحديقه
اتخيل بعد الحديقه دمار، الجو أسود وغبار
. . .
كبرت شوي، ومن انحط لنا العربسات وكان الوالد يفرفر بالقنوات حط الكويت
استغربت وأبويه الله يحفظه كان يقولنا هذي الكويت
أنا لا إرادياً كنت أقوله بعفويه ليش الكويت مب مظلمة!؟
ما كانت العراق تحارب الكويت!؟
ومن عقبها استوت قناة الكويت المفضلة عندي وخاصة برنامج
صباح الخير يا كويت q;
لكن بالفعل ظهرت الكويت بنظري حلــوة
دام الوالد يحبها لأنه تربى فيها
أنا بعد بحبها
وزاد حبي لها يوم دخلت عالم منتدى مسلمز =)
جمعني بناس بالفعل حبيتهم واحترمهم واستفدت منهم
عذوب
peace
كويت
قيادية وهمم
بهم حبيت الكويت أكثر =)
مون
posted by مونه @ 2:21 PM
4 Comments:
هذي الكويت صل على النبي
اهيا ديرتنا وفيها الي نبي
لوووول
اول شي بما اني كويتي فأشكركم على حبكم للكويت والله يديمه ..
والكويت شي عجيبة مو لأني كويتي لكن صج عجيبة وسبحان الله زرع حبه في قلوبنا ..
دايماً لمه نسافر لأي دولة ، وأتمشى بالأسواق ولا بالشوارع ، اقول الحمد لله إني كويتي وديرتي الكويت ..
والله يحفظنا ويحفظكم ان شاء الله :) ..
sweet words,,
i'll join muslimz fourms now:P :)
هذا من طيب اصلك
وعساك تحبين الكعبة حاجة باذن الله
مووووون .. اشتقتلج يا طبجتي :)
لما قريب اسمي بهالصفحة حسيت بشعور غريب .. ما ادري حب ما ادري وله ما ادري .. اللي اعرفه إني أحبج في الله والله يجمعنا بالجنة هذا اللي اتمناه بصحبة الحبيب صلى الله عليه وسلم .. قولي آمين
مووون والله اشتقتلج ... وانا حبيت الإمارات منج .. لأنج انت الوحيدة اللي اعرفها من الإمارات وخاصة راس الخيمة :)
اختج المحبة :
كويت
Post a Comment
<< Home